บทความ

กำลังแสดงโพสต์จาก ธันวาคม, 2019

🍂บ่ฮู้จัก 🍃

รูปภาพ
เด็กเลี้ยงควยนาหนองหิ่ง บ่ฮู้จักหนังสือสารานุกรมเล่มใหญ่ ชื่อปกแข็งเดินทองในห้องหอสมุดหลวง บักก่อ บักบกโคกป่าหนองยาง บ่ฮู้จักบักอาโวคาโด ในป่าปวยบลา-เม็กซิโก ลางเทื่อ ลางมื้อลางเว็น--- เฮาบ่ฮู้จักหมู่เด็กน้อยในโตตน และป่าผลไม้ในคีงบาง ---ฮอดบ่ฮู้จัก ปันยิ้มให้ผู้อยู่ในกระจกเงา ตรงหน้านี่. ทางหอม คิมหันต์ ส.27.7.62 (หว่างคึดเห็นต่อบทกวีของอรรณพ วันศรี ที่โพสต์เมื่อ 25.7.62:20.33 น.-นกไม่เคยรู้---)

🕊ตัวละครหน้าฮ่านกาเฟ🍃

รูปภาพ
ระดับความทุกข์ยากปากขม วัดด้วยตัวเลขชุดใด ใช้เกณฑ์หยังตัดสิน ค่าตอบแทนความเข้าใจ รางวัลความสู้ซน ใผผู้คัดสรรวางมอบ ลายตัวละครบนใบเขียวนั่น ระบายคำตอบ หรือแค่หยอกให้คึดเล่นหัว ระดับความทุกข์ยากปากขม เป็นวลีในอกใจดิจิตอล ของไทอื่นแนบ่ ทางหอม ส.27.7.2562 (หว่างนั่งแญงฮูปจากฮอยขูดใบเขียว หน้าฮ่านกาเฟข้างรพ.ศรีมหาโพธิ์)

ทางต่างทาง

รูปภาพ
เตอะตมตามเคย ยามฝนตกต้องจำนรรจ์ ฝาตีนเปื้อน เฝอะฝุ่นตามคุ้น ยามแล้งบรรเลงบ่ลดละ ฮูดังอั้น --- บ่คือทางใดๆ บ่เป็นตามทฤษฎีใผ บ่เหมือนนโยบายจากซอกห่วงใยไหนๆ ฝาตีนเปื้อน ฮูดังอั้น แต่ปากยังร่ายกถาเวียกงาน แต่ก้าวยังบ่เมื่อยบ่ล้าหล่อยถอยแฮง หญ่อนใจฮู้ฮ่อม หม่องหมายประกายข้าว เสมอกันในนาบ่แปลกต่าง นั่นนอ บ่ว่าใหญ่ว่าน้อยยังเป็นข้าวคู่นา ฮั่นเด. ทางหอม พฤ. 25.7.62 (หว่างฮู้ข่าวการต่อสู้เพื่อเท่าท่อเทียมธรรม หลายบ่อนบานในเมืองบ้าน)

ทางกาน

รูปภาพ
กานกกไม้ให้มีหมากมีหน่วย กานเอิ๊กใจให้มีอดมีทน กานควมคึดให้มีสืบส่องสอบสวน กานฮักให้ห่วนให้หอม การซังให้ฮู้ห่วงฮู้ฮ่ำฮอนหวนคะนิง กานกานไว้ ในแสนล้านสิ่ง คันบ่กาน บ่เกิดบ่ก้าวบ่ไขบ่แก้ การสิบ่ได้ กาลแก้วก่องกานต์ การจั่งสิได้ กาลแก้วก่องตระการ. ทางหอม 24.7.62 หว่างพบผ้อคำ "อย่างเป็นทางการ"

โนนบ้าน

รูปภาพ
ชวนไปยลเยี่ยมยาม คลิปตั้งกล้องส่องคนเขียนบทกวี

เสียงแสงสีบทกวีทางหอม 1

รูปภาพ
ชวนไปชมหนังกวีแบบคำแต้ม เขียนไป ถ่ายไป เบิ่งคือบ้า ดูเหมือนคนอีกโลก

ฮ่มซ่น | ร่มเงาอาศัย

รูปภาพ
ยามฝนแล้ง เลือกเพิงพุ่มไม้ใดกัน ซ่นฮ่ม ฮ่มส้มแบง ฮ่มขะยอม ฮ่มหว้าข้าวก่ำ ฮ่มหว้าสีชมพู ฮ่มไฮนา ฮ่มมันปา ฮ่มส้มมั่ง ฮ่มบก ฮ่มพ้าว ฮ่มบักม่วง ฮ่มผักขี้เหล็ก ฮ่มหมากมี่ ฮ่บักทันน้อยโนนเถียง ฮ่มกล้วยกอข้างโพน ฮ่มกะเดา ฮ่มกะโดน ฮ่มสวนมอน ฮ่มติ้ว ฮ่มกอก ฮ่มก่อ ... สารพันฮ่มกลางนา กลางฮั้วไฮ่สวน สารพัดฮ่มฮิมทางเมือนาดินทราย ชายป่า โคกผีป่าหลอก ยามแล้ง อึดหลายขี้หล้ายแท้นอสายฝน เลือกฮ่มงานบ่มีหนี้ตื่ม เลือกฮ่มค่ำคืนบ่มีไข้มีหนาว เลือกฮ่มเช้าใหม่บ่มีข่าวเศร้าโศกสูญเสีย จั่งซั่นบ๊อ เลือกเพิงพุ่มไม้ใดกัน ยามแล้งแห้งฮ้าย ไว้ซ่นฮ่ม ไว้ซ่นฮ่ม ♡ทางหอม○ อา.21.7.2562

นาแคมบ้าน

รูปภาพ
นาแคมบ้านเขียวก่องพวมซุม เป็นพยานคนคู่เคียมควมฮู้ ฮู้นาข้าวนาคนควรค่า แสนสิทุกข์หมื่นซั้นกะยังยิ้มเบิ่งนาฯ ทางหอม ๑๑.๑๐.๒๕๖๑

นิยายคนยาก

รูปภาพ
โลกประจำวัน สีดอกกากะเลา แสงประจำวัน อาบต้องกลีบบาง ฉันเบื่อฟัง เพลงรักและผิดหวัง จึงแต่งนิยายคนทุกข์ยาก มีชีวิตในโลกสมจริงประจำวัน เมื่อเธอบังเอิญได้อ่าน ได้โปรดลดทอนความหมายของฉันลง ทางหอม อา.3.2.2562

ฝ้าย

รูปภาพ
คือยามเช้า เบิกแสงอรุณส่อง เห็นหมู่ไม้ ดงฝ้ายแผ่ผาย ทางหอม คิมหันตมาลา 2 เม.ย. 2561

ว่าสิมายามยุ

รูปภาพ
วันคืนค้อย ลอยไปคือปุยนุ่น เบิ่งเห็นหมอนหน่วยนั่น ฝีมือแก้ว อีแม่เฮา คราวยังน้อยหนุนหมอนแนมเมฆ เสกคาถาหมื่นถ้วน เห็นดงไม้ดอกแม่นหอม มันปาย้อย ฮ่ำฮอนคึดอ่าน กูเด ฝนเมษา ลมฟาดฟุ้ง บักม่วงสุกหน่วยน้อย เก็บบ่ายข้าว ยามนี้ สิแวะยาม ยุเด

คอยฮักโพนผักบั่ว

รูปภาพ
https://youtu.be/fHfI-Emx-3o หน้าหนาว คึดฮอดเพลงนี่ ...คึดฮอดโพนผักบั่ว คึดฮอดพี่น้องบ่อนบ้าน... เพลงแรกในชีวิตที่แต่งและฮ้องเอง เพลง  คอยฮักโพนผักบั่ว คำร้อง/ทำนอง  ซอมทาง โพนผักแนว ขับร้อง บ่าวทิ  ยางชุมน้อย  (Original Vorsion : 2548-2549 สิทธิชัย พลแก้ว  เรียบเรียง) A1 ที่โนนหัวนา...  อ้ายเหม่อมองหาแต่ลงผักบั่วโพนหัวปี ยืนกั้งโกบส่อง คองทางคอยท่าคนดี จนกู้หอมแล้วกะมิดจี่หลี่ บ่มีสาวโค้งต่าวคืน A2 บ่าวเมืองหอมแดง...  คึดค้อยคึดแคงเช้าแลงสู้ทนกล้ำกลืน อ้ายน้องฝากฮักข้างโพนผักรักเราหวานชื่น ตัวไกลใจบ่เป็นอื่น สัญญาขวัญยืนหรือเจ้าบ่จำ H ลืมแล้วบ๊อ  ลืมโพนหอมแล้วบ่ เจอคนรูปหล่อ ลืมอ้ายแล้วบ๊อก้อนคำ ลืมลวกดอกหอมเคยกินฮ่วมภาชน์โนนนาหวานฉ่ำ ตอนอ้ายสบตาคุยนำ แก้มอ่ำถ่ำลืมแล้วล่ะไป A3 หนาวลมวอยวอย... สาวยางชุมน้อยได้ยินเพลงอ้ายอย่าไล ให้โค้งต่าวมาโนนหัวนา มากินข้าวใหม่ สิเก็บเงินขายผักบั่วได้ เจ้ามาวันใดสิไปขอแต่ง. (ซ้ำ H, A3)

ส่งพรชัย 2563

รูปภาพ
ส.ค.ส. 2563 หกสามเติม เสริมรัก สลักร้อย หกสามต่อ ทอสร้อย กำไรฝัน หกสามแต่ง แพงบุญ คุณอนันต์ หกสามแต้ม ต่อขวัญ บันดาลใจ เป็นปีเงิน เพลินงาน สำราญยิ่ง เป็นปีทอง ผ่องพริ้ง มิ่งสมัย เป็นปีเพชร เม็ดเอก เสกวิไล กลั่นจากใจ ใสสกาว ส่งข่าวพรฯ ธีรยุทธ บุษบงค์ | ร้อยกรอง

หมากยางหน้ากระจก

รูปภาพ
เอิ้นว่าส่อง เห็นโตตนเจ้าของข้างนอก ข้างในนั่น เย็นฮ้อน ค่อยเบิ่งซอมฯ ทางหอม 03/04/2561

ละอองฝัน ที่มั่นใหม่ของหนุ่มสาวมัธยม

รูปภาพ
อีกพื้นที่หนึ่ง สำหรับแสดงผลงานของเหล่านักเขียนหนุ่มสาววัยมัธยม เป็นความร่วมมือของครูกวีหนุ่ม แห่ง รางวัลวรรณกรรมสร้างสรรค์ ศ.ก.ว. เจ้าของหนังสือ "ฝนฝัน"  นาม ไพรยุทธ สะกีพันธ์ และครูนักทดลองเขียน ธีรยุทธ บุษบงค์ แห่ง วรรณกรรมนารีนุกูล เจ้าของผลงานนักเรียน "ละอองอุบล" รายละเอียด เชิญตามอ่านตามลิ้งค์ได้เลยครับ https://saimingsainan.wordpress.com/2019/12/16/%e0%b8%a5%e0%b8%b0%e0%b8%ad%e0%b8%ad%e0%b8%87%e0%b8%9d%e0%b8%b1%e0%b8%99-%e0%b8%97%e0%b8%b5%e0%b9%88%e0%b8%a1%e0%b8%b1%e0%b9%88%e0%b8%99%e0%b9%83%e0%b8%ab%e0%b8%a1%e0%b9%88%e0%b8%82/

กะปอมก่ากับข่อหล่อเพื่อนกัน 1

รูปภาพ
บางครั้งวรรณกรรมเยาวชน หรือ นวนิยายเยาวชน ก็ทำให้หัวใจหยาบกระด้างของทั้งผู้แต่ง และผู้อ่าน อ่อนละมุนลง หลายส่วนทีเดียว กะปอมก่ากับข่อหล่อเพื่อนกัน เป็นอีกหนึ่งความพยายามของ "ทางหอม" อีกนามหนึ่งของ hugkamtaem เชิญผู้อ่านติดตามอ่านเต็มๆ ได้ ตามลิ้งค์ข้างล่างนี้ นะครับ https://www.blockdit.com/articles/5db5604ddbd7b70cfef22255 กะปอมก่ากับข่อหล่อเพื่อนกัน | ทางหอม บทที่ ๑ เด็กชายในกระท่อม

ฮักแท้ฮิมทาง

รูปภาพ
ชวนฟังเพลง "บ่าวทิ ยางชุมน้อย" ร้อง "ซอมทาง โพนผักแนว" แต่ง อีก 2 ตัวตนหนึ่งของ "ทางหอม" เพลง  ฮักแท้ฮิมทาง คำร้อง/ทำนอง  ซอมทาง โพนผักแนว ขับร้อง บ่าวทิ  ยางชุมน้อย A1 ทางแจ้งสนิท ผ่านข้ามห้วยแจระแม มาจนซอดแยกดงอู่เผิ่งกะเห็น แถวกากะเลาฮิมทางสู้แล้งลำเค็ญ อาบหมอกดอกเด่นเบ่งบานเอ้เมืองอุบล A2 ทางมืดสนิท ชีวิตคนถูกตัดรัก ทำใจยาก ทุ่มฮักหมดใจไร้ผล หมายทุกข์ถ่ายถอน แรมรอนมาเมืองอุบล ปล่อยน้ำตาหล่น ลบฮอยฮักเคยสัญญา H หัวอกคนเหงา ซอมกากะเลาบ่วาง บานแย้มแคมทาง เป็นพั้วเป็นพวงแจ่มตา แต่งงามก้านกิ่ง หลังจากใบเก่าบอกลา ชวนคิดสะกิดใจว่า ถิ่มอดีตสาอย่ามัวหมองหม่น   A3 กะเลายืนเด่น ลมเย็นต้องพวงม่วงเทา แพงเกินเว่า ดอกขูกลีบหว่านปานฝน เหมือนไม้อวยพร ให้ผ้อฮักสาวอุบล ฮักแท้สู้ทนคือต้นกะเลาฮิมทาง.

ตีนภู

รูปภาพ
เป็นผืนผ้า เหลืองห่มดินนา เป็นสีแสง แต่งตีนภูเจ้า เป็นคือเหง้า  ซุมแซงพี่น้องเก่า ทุกข์หมื่นชั้น เห็นแล้วก็ส่วงหายฯ ทางหอม ๐๖.๑๐.๖๑

เจ้าจะรู้ไหมน้อ

รูปภาพ
เหนือกำแพง คารวะโลกกว้าง คล้ายเพลงล้านล้านไลค์ ดอกโบกเนื้อหา ใบร่ายทำนอง ฉากหลัง นั่นไม้และท้องฟ้า เหมือนความจริง อยู่ห่างออกไป ชวนให้ปรารถนา... ทางหอม ๐๘.๑๑.๒๕๖๑

กาลกากะเลา

รูปภาพ
ใบกากะเลาบาง กลีบนั้นเล่า บางกว่า เม็ดดินทรายฟุ้งกระแทก เม็ดฝนต้นแล้งแทงตำทิ่ม เหมยหมอกซบแทรกซอน ใบกากะเลาบอกเล่าขวบปี ดอกและกลีบขับขานบทกวี ณ ห้วงฤดีใด บ้างหนอ ทางหอม พ.16.01.2562

ยังเป็นอยู่ เป็นไปไม่สิ้นสูญ

1 นามีไว้ให้ข้าวงาม ประกาศเกียรติยศ ความฮักแพงของชาวนา ชาวสวนอาจพอรู้ ชาวเมืองแค่ได้ยินข่าว 2 นาสดใหม่เสมอ ในอาณาจักรหัวใจ เจ้าของแขนผู้อุ้มมัดกล้าก้มดำ พ่อค้าข้าวอาจแค่คิดเดาเอา เจ้าของโรงสีแค่เคยได้ฟังคนคุยบ้าง 3 นาดีมีฮอยฮัก ของตีนเปล่าเปลือย ทั้งฮอยพ่อ ฮอยลูก ฮอยหลาน... โทรทัศน์อาจประจานว่า จนยากปากหมอง และถ่วงความเจริญ อินเตอร์เน็ตแค่แพร่ข่าวแล้ง ท่วม และสิ้นใจ! 4 ตรงข้ามกับสิ่งใด จึงอ่อนหวานบรรจง ตรงข้ามกับสิ่งใด จึงยืนหยัดมิระย่อ โอ...ทางเทียว ถอดวางหัวใจมือถือ กลางกระดาษใบข้าว |ทางหอม| 31/07/2017

นิทรา

วางความร้างไร้ คือกับกิ่งไม้ ไร้ลมพานต้อง ห้วงเปล่าโล่ง สัมผัสเปล่างาม และค่อยเลือน เหมือนหมอกทุ่งเช้า ดอกขะยอมสะพรั่ง โปรยทานกลิ่นหอม คำแต้ม | ทางหอม Slumber To lay waste Is with branches Wind Open mouth Naked And fuzzy Like morning mist Flower Scent

เหมือนโลกอับจน

รูปภาพ
โลกไม่สงบจริงจริงหรือ จึงต้องถืออาวุธ... โลกไม่งามหรือ จึงต้องแกล้งหวังวาด ที่นี่ โลกยังสงบงาม บัวในหนอง จอกแหนแผ่ผาย รายล้อมด้วยหมู่หญ้า ต้นหว้าและผองเพื่อน แล้วไย ใช้ยาพ่นฆ่า ให้มีแค่ต้นข้าวหมู่เดี่ยวพวกเดียว ปูปลาจะตาย หนอน ผีเสื้อจะวายวอด ช่างประไรหรือ ทางหอม 17/06/2560

อย่ารักกวีเลย

รูปภาพ
อย่ารักกวีเลย พวกเขาแค่ทวงความยุติธรรม ในโลกสมมติผ่านถ้อยคำละมุน จงรักแผ่นหลังอาบเหงื่อ และดวงตาแววหวังของเขา ขณะขุดดินป้านคันแทอยู่ท่งนาหนองหว้า

นิยายคนยาก

โลกประจำวัน สีดอกกะเลา แสงประจำวัน อาบต้องกลีบบาง ฉันเบื่อฟัง เพลงรักและผิดหวัง จึงแต่งนิยายคนทุกข์ยาก มีชีวิตในโลกประจำวัน เมื่อเธออ่าน ได้โปรดลดทอนความหมายของฉันลง ทางหอม อา.3.2.2562