บทความ

กำลังแสดงโพสต์ที่มีป้ายกำกับ โลกและชีวิต

หวนรู้

รูปภาพ
ลมต้องใบยางมีเสียง คุณเข้าวัดป่าโดยบังเอิญ เดินมาหยุดนิ่งสดับ เหมือนเพลงคลาสสิคมหากาพย์แห่งมหากวี ทยอยบรรเลงเป็นระลอกคลื่น แผ่วเบาบางขณะ โหมกระพือกระหน่ำแทรกเป็นระยะ แล้วค่อยๆ เบาลงๆ แผ่วผิวกระซิบ ผสานแสงลอดช่องหลังคาใบซ้อนสลับ คุณอยากกล่าวคำสดุดี หากว่า อึดอยากคำกล่าวได้เหมาะสม คุณจึงหลับตาลง นิ่งฟัง นานแสนนาน จนดอกไม้ผลิบานเต็มลานดินทรายหมาดฝน เหมือนในเทพนิยายเรื่องหนึ่ง พระทยอยเก็บบาตรกลับกุฏิ เสียงไอ แทรกเสียงลมมา ศาลาโรงฉันเปล่าไร้ หมาแม่ลูกอ่อนให้นมลูกอยู่ใกล้ชายคา แม่ออกทยอยกลับเฮือน พ่อออกนั่งสนทนากันที่แคร่นอกโรงครัว คุณหยิบมือถือมา หมายจะถ่ายคลิปลมพัดใบไม้ ฉับพลันก็ส่งกลับสู่ก้นย่ามฝ้าฝ้ายต่ำมือของแม่ นิ่งฟังคีตกวีสายลมพรมเล่นใบยางอยู่ครึกครื้น ตั้งใจจะบรรจงบันทึกลงห้องใจให้เต็มตื่น อนิจจา มารผจญ เสียงเพลงจากหอกระจายข่าวหมู่บ้านดังแทรกสอด ประกาศข่าวทางการ ระวังภัยโควิด-19 ให้ปฏิบัติตามรัฐสั่ง ขณะนั้น สายลมนิ่งหยั่งเชิง บ่ทันที่ผู้ใหญ่บ้านจะจบสาร มันก็โถมแรงพัดกระพือกระหน่ำ หูคุณอื้ออึงดิ่งดับสับสน ป่ายางนาลานวัดหมุนติ้ว ดูดกลืนตัวคุณเข้าไป หายวับไร้ที่หมาย หมาแม่ลูกอ่อนเงยคอจ

ความหลัง #คำแต้ม #ทางหอม

รูปภาพ
ไผหวนฮู้แนบ่ ความหลังเดือนสี่ปีสองตองสี่ แนมนำฝนรินย้อย      ชายคากระเบื้องใหม่ คึดเห็นเด                   หนาวสะบั้นเสี่ยงลี้ หนีภัยคนบิ่นบ้า          นำไล่ฆ่า บ่เห็นค่าว่าคน ฝนตกเดือนปักดำข้าวกล้า คือน้ำตาอาภัพ ของความฝันอันเปียกชุ่ม ปากยังไจ้จ่มแจ้วแจ่งภาวนา ตายเป็นผีบ่มีหัว ในขุมกองก่าย ในดงใบยางหนา ในนาซุมกกตาลซ่ายหล่าย ความหลังยังมีลมหันใจ ในสายฝนเดือนแปดหนาวสะบั้น สั่นสะท้านปานต้นเดือนสี่ที่ท่งสังหารปีนั่น บ่หม่องใด๋กะหม่องหนึ่ง เป็นแน.

อายสา ไปถ่อน

รูปภาพ
⊙เฮ็ดทานนำเพิ่นน้อย ยังฮู่ฮ่อมอายคน นาบ่มีกอเขียว ยังฟ่าวหาปุ๋ยเท่ง เวรกรรมหลายเดน้อ งานซุมแซง บ่ได้ซอย มีเทื่อหน้า สิไปถ่าก่อนไผ ⊙นี่หยัง มือตีนเป็นล้านล้าน ปานเทวาปั้นแต่ง ปวงประชาสิมอดม้วย ...ปานหุ่นไม้ด่าบ่ตีง ⊙ไลลืมซาด ลืมซายบ่ปนแห่ ไลลืมกระดูกต้อม ยามเซ่าอยู่เมรุ ซางเป็น ⊙ไปสาถ่อน  ซามยังเห็นเป็นคนอยู่ บัดห่าเฟือยบ่กาง ยามเฟียงฮองเป็นเถ้าพุ่น หันหาซากบ่ไส่การ หันหาได้ผ้อแต่ผี ท่อนั่นแหลว. |ทางหอม •จ.19.07.2564/2021

อุกเด

รูปภาพ
อุกนำคันคากเว่าใหญ่ อุกนำเคียขอฮอเว่าหวาน อุกนำโพสต์เม้นต์ผู้เลิศหล้า อุกนำบักหญ้าว่าโตเป็นดอกไม้หอม อุกนำแสงสะท้อนแว่นรถยนต์ อุกนำหนี้ออกลูกหลานแซวคับทีป อุกนำขื่อคาเฮียนผุทลายม้าง นกน้อยเงี่ยงหูฟัง ลมต้องใบกล้วยใบอ้อย ดอกผักไส่ยิ้มให้ยอดผักหวาน ดอกบวบโสเหล่กับแมงภู่เผิ่ง ปล่อยโลกในเฮียน ปล่อยชานไว่กับแอ่งน้ำ ปล่อยป่องเอี้ยมไว่กับฝา ปล่อยไพหญ้าไว่กับคันไม้จ้อง อุกเด ปานใดสิปล่อยได้คือว่าน้อ •ทางหอม ศ.16.07.2564/2021

ข้าวใหม่ใบก่องเล่นน้ำฝน

รูปภาพ
ข้าฯไปนามา ฝนตกแฮงตอนค่อนสิแจ้ง เพลมากะยังรินย้อย แฮงมาเป็นบาด เห็นนาได้ฝน น้ำเต็มงานนา บางหม่องท่วมข้าวหว่าน บางหม่องพอจู่ใบ บางหม่องเพียงคอใบ ยามลมฝนกระพือ ใบข้าวก่องกะไกวเล่นน้ำนา หยอกเม็ดฝนที่โฮยฮำมา ตอนนั่นข้าฯคึด คึดฮอดนาตอนยังน้อย จนน้ำตาสิไหล ||ทางหอม|

ฝนหลบภัย

รูปภาพ
เม็ดฝนน้อย ออมฉ่ำชื่น ใต้ชายคา เมล็ดข้าวน้อย ออมแรงงอกผลิ กลางทุ่งแล้ง เมฆฝนเคลื่อนขบวน ใกล้เช้าแล้ว เมล็ดข้าว คอย เม็ดฝน รอ ||ทางหอม|

รวยข้าว

รูปภาพ
พ่อแม่รวยมาก พี่น้องญาติมิตรล้วนร่ำรวย เฮากินสิ่งที่เรารวย เฮาปลูกฝังดูแลสั่งที่เรารวย เฮาเก็บเมี่ยนฮักษาความร่ำรวย ตื่นเช้ามา เฮาเห็น... สวยมาฮอดค่ำ เฮาสัมผัส... แลงมาเฮาเห่กล่อม... เฮารวยเดอ อีแม่อีพ่อ  ปีกลายหลายร้อย หลายพันล้าน คึดเบิ่ง แค่สอบเดียวบ่แม่นแปแสนแล้วตี้ คันได้สองร้อยสอบล่ะ นาท่งส้มแบงปีสิฮอด หลายร้อยล้านยุ

เตยต้นเตี้ย

รูปภาพ
รอยมือพ่อ ปลูกดูแลสวนเตย เก็บ มัดกำ ขายเตย รอยมือลูก ถ่ายหลายมุมมอง ตัด ต่อ พากย์คลิปเตย หอมตั้งแต่แรกเก็บใส่รถ หอมกระทั่งเหี่ยวแห้งในแจกัน และหอมในหม้อต้ม ในแก้วน้ำแข็ง ดื่มเตย เตยต้นเตี้ย หอมไม่หาย เขียนกอใบก่าย | ทางหอม อา. 30.05.2021 [บันทึกท้ายคำแต้ม] •สวนเตยของพ่อเกิดและเติบโตมา ถ้าจำไม่ผิด น่าจะราวๆ ยี่สิบปีแล้ว •หลังจากพ่อปลดเกษียณจากโพนหอมแดง โอนภาระนั้นให้ลูกสาวลูกเขย ท่านก็ตั้งหน้าตั้งตาหาและปลูกผักหญ้าในสวน เก็บมัดกำไปขายตลาดสดเช้า หนึ่งในสินค้ารายวันที่ขายดีของพ่อค้าอดีตคนสวนหอมแดงคือ ใบเตยสด •ปีกลาย 2020 พอมีโรคโควิดระบาด ผลประกอบการค้าขายของพ่อลดลงมาก พ่อบ่นให้ฟังตอนกลับบ้าน ถึงตอนนี้ เข้าปีที่สองที่โควิดยังระบาดอยู่ ตอนต้นเดือนนี้ ผมกลับไปเยี่ยมบ้าน ไม่เห็นพ่อบ่นว่าไง หรือว่า ใบเตยกลับมาเป็นสินค้า "ขายได้" เป็นปกติแล้ว •แต่ที่แน่ๆ กอเตยหลังได้ฝนใหม่ยังคงเขียวสดชวนมอง ทั้งในสวนของพ่อ และสวนของพ่อตาที่เอาก้านยอดพันธุ์เตยจากสวนของพ่อมาปลูก.

คือตองกล้วย

รูปภาพ
เป็นผืนยังแบ่ง ซ้ายขวา มีก้านเป็นแกน รวมกันเป็นใบ เขียวบางเป็นแผ่น เขียวกลมเป็นลำยาว นกเช้าเสียงใส สะกิดสะเกา แสงเช้าส่องใส เปิดม่านกางกั้ง เป็นคือใบตองกล้วย เป็นคือใบตอง คือใบ เป็น | ทางหอม  ส. 29 พ.ค. 2564 [บันทึกท้ายคำแต้ม] นั่งมองตองกล้วยข้างบ้าน ขณะลงงานครัวเช้านี้ ให้รู้สึกถึงความจริงบางอย่าง  ที่ตองกล้วยเป็นอยู่ การถ่ายทอดด้วยวิธีคำแต้ม มันโล่งนะ มันสบายๆ หาคำให้ได้ความ  เพ่งใจให้เห็นความคิด แล้ว ค่อยๆ วางขบวน ขอบคุณที่แวะมาเยี่ยมยามกันเดอ.

น้อยนับล้าน

รูปภาพ
ข้าวเมล็ดหนึ่ง รวมกับเพื่อน เต็มรวง รวงกับเพื่อนๆ เต็มนาทุ่ง ข้าฯ นึกถึงวันเก่า รวมกับวันนี้ เต็มคิด รวมกับวันนั้นๆ เต็มตื่นใจ ฝนหยาดชายคาหญ้า รวมกับเพื่อน นองพื้นหญ้าโนนเถียง รวมกับหยาดใหม่ๆ ไหลลงฮ่องนาทุ่ง ข้าฯ นึกถึงวันเก่าๆ รวมกับวันนี้ เต็มตื้น รวมกับเพลงลำเก่าๆ เติมน้ำตาเต็มเบ้าฯ ทางหอม | น้อยนับล้าน พฤ. 26 พ.ค. 2564 [บ่าวทิมีผะหยา] •นับล้านล้าน  หลากสิ่งสำคัญ คือเม็ดดิน      หลากหลายภายพื้น คือเม็ดน้อย    ฝอยฝนเมฆแผ่ นับล้านล้าน   เหลือล้นนับบ่ทนฯ

สวนน้อยน้อย

รูปภาพ
นั่งในเถียง เมฆหม่นงาม ฝนตก  รินย้อยชายคาสังกะสี มวลหมู่ผักนางอางหญ้า ยิ้มรับฝน ร่ายรำใบ กิ่ง ก้าน หมู่กกไม้ผล โยกพุ่มใบหวัง บ้างผลิดอก บ้างอวดผล ที่ใดไหนเล่า ให้โลกตระการเท่า ทางหอม | สวนน้อยน้อย

ตากล้า

รูปภาพ
หญ้านกเขาออกดอก ฝนใหม่โปรยสาย ควายวัวตัวใหม่และเล็มหญ้า ไถคราดหายหน้า รถไถนั่งขับคำราม นาหว่านระบาดทั่ว พฤษภา กำลังแตกหน่อ นั่นหญ้านกเขานาใคร ยิ้มรับลมสายทักทายฝน หรือยังเหลือ ไถกับแอกยนคอควายสักตัว และเสียงลำจับคันไถตามก้น ตั๊กแตนอีแม่ฝ้าย ในพุ่มดอกหญ้านกเขา กำลังคอย... ข้างๆ ตากล้าสุดท้ายข้างเถียงน้อย ทางหอม | ตากล้า อัง. 25-05-2564 [ ถอดถ่ายอักษรทำ ]   • ฝนยังโฮยฮำพื้น หญ้านกเขากะยังซืน แต่นาหว่านบ่ไถฮุดแล้ว ทางตากล้ากะบ่ยัง แท้นอ. 🥰🤗🔴🌝🤔 [ไม่ไกล by  โพนหอม]   นาใหม่ นาเก่า   นาใหม่ใหม่   หว่านหว่านหว่าน   อ่านคิดวาบ รอฝนอาบ   อิ่มไอฉ่ำ   หน่อนำเขียว ฝนทิ้งช่วง   ห่วงหญ้าท้น   ปนใบเรียว ห่อคลุมข้าว   หนาวทรวงเซียว   เปลี่ยวรวงคอย   นาเก่าเก่า   หว่านกล้าก่อน   ค่อยถอนมัด แนวถนัด   ไถดำกล้า   นาสุดสอย เป็นเดือนเดือน   เหมือนชีวิต   ติดฝนปรอย ดิ่งลึกล้ำ   ฉ่ำเหงื่อพร้อย   ร่ายรอยแรมฯ --- ไกลโควิด   เล่นออนไลน์   ใช้เน็ตฟรี   มีที่ไหน เล่นกำไร   เล่นโพสต์ร่าย   หลายช่องฝัน แต่ทนอด   อดทนสร้าง   ทางรำพัน คอนเท้นต์ปัน   ขันแบ่งเบา   เกลาปัญญา   เล่

ราคาของเก่า

รูปภาพ
ราคาฮักส่ำดอกมันปาเหมิดท่ง ราคาหอมปานกอสะเลเตเหมิดบ้าน ราคาแพงปานข้าวเต็มท่งท่า ราคาหวงปานหอมกระเทียมเต็มโพนเมืองบ้าน โอนอ ฮอยทางปู่ย่าตายายแม่พ่อ... ก่อฮูปเป็นดั่งดวงดอกไม้ป่าไหวลมฝน ต่อสานเป็นกะด้งกะต่าผลาหมากไม้ป่าหัวนา สำมะปี๋ของเก่าคูนค่า ในหัวใจน้อยๆ เด็กเลี้ยงควายของอดีต. --- ทางหอม --- พ.19.05.2564

ทางเลือด

รูปภาพ
เลือดสีชมพูเพราะมีฮัก เลือดสีแดงเพร่มีใจ เลือดสีเขียวเพราะมีนาไฮ่ เลือดสีเก่าๆเพราะเป็นชาวนา เลือดสีชาๆเพราะเป็นหนี้หลาย เลือดสีสดๆเพราะเป็นหัวหน้าหมู่ เลือดสีเศร้าๆเพราะเป็นผู้ย่างตาม เลือดสีสะอาดสะอ้านเพราะว่าใจสงบ เลือดสีนานวลเพราะเป็นหมอลำหมอร้อง เลือดสีสวยๆเพราะชอบช่วยเหลือคน เลือดสีสำเร็จเพราะชอบเออออบ่มืนตา เลือดสีวิเศษเพราะว่าเป็นคนแก่ เลือดสีไคแนเพราะเป็นหนุ่มสาว เลือดสีแวววาวเพราะเป็นเด็กน้อย เห็นมาแล้ว คนบ่มีเลือดมียาง อยู่ใกล้ๆนี่ล่ะ --- ทางหอม --- อัง.18.05.2564 https://www.blockdit.com/posts/60a337c0a057eb0c389b2be3

คา ค่า ค้า...

รูปภาพ
คา ค้างอยู่ ไปต่อไม่ได้ ค่า มีราคา ควรเก็บรักษาไว้ ค้า มีแผน หน้าหลัง นอกใน... คาในค่า ใครใคร่ค้า กำไรเข้าว่า ใครบ่กล้าบ่ได้ดอกหนา กำลังภายใน เพิ่มพูนสายใย กำรี่กำไว กำไร กำไร กำไร... สุดช่อฟ้า ค่าในข้าฯ ใครๆ ไม่อาจค้า กำไรอยู่ฟากฟ้า ใครกล้ามีสิทธิ์คา ค้างเติ้งในทุ่งสวนท่านา ติดหล่มศีลธรรมจรรยา ขาดด้ายสายเส้นใด ดังหอมหัวหล่น ตกกลางลานปูนกว้างของโรงสีร้าง กลางทะเลทรายโรคภัย --- ทางหอม --- จ.17.05.2564

บ่มี

รูปภาพ
บ่มีนา บ่มีข้าว บ่มีเงา บ่มีฮูปห่าง บ่มีทาง บ่มีฮ่อง บ่มีป่อง มีมีแปว บ่มีแก้ว บ่มีขวด บ่มีลวด บ่มีแนวมัด บ่มีวัด บ่มีศาลา บ่มีป่า บ่มีเห็ด บ่มีเบ็ด บ่มีคัน บ่มีปัน บ่มีแบ่ง บ่มีแต่ง บ่มีแต้ม บ่มีย้อม บ่มีสี บ่มีบักมี่ บ่มียาง บ่มีช่าง บ่มีศิลป์ บ่มีกิน เฮ็ดใด๋บ่ได้ สิปล้นไผ กะบ่มีปืน สิฆ่าโตตาย กะบ่กล้า หายใจเข้า อยู่เบิ่งเงา... --- ทางหอม --- อา16.05.2564

ยางคือหยัง

รูปภาพ
ยางคือเลือด คือสายธารหล่อเลี้ยง คือความรู้สึก คือความเก่าหลัง คือความหวัง ต้นไม้หมดยาง ตาย คนหมดยาง ใกล้ตาย สายลมข่าว ใครใกล้หมดยาง ต้นไม้ใดไร้ยาง นั่นใครกัน ไร้ยางอาย --- ทางหอม --- ส.15.05.2564

จังหวะหัวใจนั่น

รูปภาพ
เสียงจาต้าน เหมือนหมอลำเพลินฟ้อนแอ่น ก่อนเข้าเรื่อง ลำโศกโศกา สะอื้นร่ำ จารโตลาวเดิมดา คล้ายจกหัวใจออกมาล้าง เบิ่งฮอยบุบ แป้ว แผล ตรงเลือดอาบ ย่าวผะหยา ในคองห้วยครกลงมูน หาจกดินพื้นโยน เห็นปลาหลดดิ้น ยามลมหนาวต้องฮวงเข่า บายบักขามหวานกินสวย

เรื่องเล่าต้นดอกฮัก

รูปภาพ
ดอกไม้บ่มีเจ้าของ นั่นดอกฮักบ่มีคนปลูก แผ่ต้น แผ่กอ ทอดอกพวงก่อง ดอกไม้ฮักดิน ดอกไม้รักต้นแม่ ดอกไม้มักออกดอก ดอกไม้ชอบสายลมโชยชื่นตื่นแสงเช้า เขาจ้องต้นดอกฮัก ในวันข่าวโรคระบาดกระพือผงฝุ่นแสบหูตา ต้นดอกฮัก ถืกตาไผ ถืกใจไผ เขาถามมดน้อยบนใบเขียวใส ถืกคีงเขาคนเดียวบ่? ถืกธาตุเขาพุเดียวบ่? |ทางหอม https://youtu.be/JztHFlUYrBQ https://www.youtube.com/c/BaawThi?sub_confirmation=1

เช้าเมษา

น้ำหมอกจับเครือหญ้า หอมดินนาตอเฟียงเก่า หมากส้มแบงกองแจนั่น คันแทน้อยฮ่มกะยอม ซอมตาเว็นพวมขึ้น เหนือโพนผักหมใหม่ หอมแดงเก็บกู้แล้ว เหลือค้างไว่ที่หัวน้อยใหญ่บ่ทัน ลมหัวกุดหมุนติ้ว ลมหัวใจโหยอ่อน พัดในคีงอยู่ว่อนหว่อน พัดฮักและคึดฮอด ไปตกค้างอยู่ที่ใด๋  เมษาสงกรานต์นี้ ใกล้ห้าสิบปีที่กายผ่าน เรื่องงามงาม เรื่องฮ้ายฮ้าย เรื่องส่ำนี่ท่อนั่น ที่จำได้บ่ลืม ทางหอม | ผะหยาคำแต้ม 12.04.2021