พื้นดอกขาม

บ่เด่นบ่ดัง จึงบ่ดี

บ่มีบ่มั่ง  จั่งบ่หมาน

บ่รวยบ่ล่ำ เลยบ่ผ่าน

บ่คือบ่ควร ชวนบ่ไป

ทุกข์นำหยัง

ยากนำหลาย

สุดทางสิไป

ยังอยู่ยังอยู่

เป็นของแท้

ยังบ่ทันตาย

ยังหัวยังยิ้ม

บ่อึดบ่อยาก

ยังคึดอ่านขยับขยาย

ซามฝนสิมา

หน่วยน้อยต้นเก่า

พอเป็นส้มจ้ำแจ่ว ยุนา

|คำแต้ม by ทางหอม 

เตยต้นเตี้ย

รอยมือพ่อ

ปลูกดูแลสวนเตย

เก็บ มัดกำ ขายเตย

รอยมือลูก

ถ่ายหลายมุมมอง

ตัด ต่อ พากย์คลิปเตย

หอมตั้งแต่แรกเก็บใส่รถ

หอมกระทั่งเหี่ยวแห้งในแจกัน

และหอมในหม้อต้ม ในแก้วน้ำแข็ง ดื่มเตย

เตยต้นเตี้ย

หอมไม่หาย

เขียนกอใบก่าย

| ทางหอม

อา. 30.05.2021

[บันทึกท้ายคำแต้ม]

•สวนเตยของพ่อเกิดและเติบโตมา ถ้าจำไม่ผิด น่าจะราวๆ ยี่สิบปีแล้ว

•หลังจากพ่อปลดเกษียณจากโพนหอมแดง โอนภาระนั้นให้ลูกสาวลูกเขย ท่านก็ตั้งหน้าตั้งตาหาและปลูกผักหญ้าในสวน เก็บมัดกำไปขายตลาดสดเช้า หนึ่งในสินค้ารายวันที่ขายดีของพ่อค้าอดีตคนสวนหอมแดงคือ ใบเตยสด

•ปีกลาย 2020 พอมีโรคโควิดระบาด ผลประกอบการค้าขายของพ่อลดลงมาก พ่อบ่นให้ฟังตอนกลับบ้าน ถึงตอนนี้ เข้าปีที่สองที่โควิดยังระบาดอยู่ ตอนต้นเดือนนี้ ผมกลับไปเยี่ยมบ้าน ไม่เห็นพ่อบ่นว่าไง หรือว่า ใบเตยกลับมาเป็นสินค้า "ขายได้" เป็นปกติแล้ว

•แต่ที่แน่ๆ กอเตยหลังได้ฝนใหม่ยังคงเขียวสดชวนมอง ทั้งในสวนของพ่อ และสวนของพ่อตาที่เอาก้านยอดพันธุ์เตยจากสวนของพ่อมาปลูก.

คือตองกล้วย

เป็นผืนยังแบ่ง

ซ้ายขวา

มีก้านเป็นแกน

รวมกันเป็นใบ

เขียวบางเป็นแผ่น

เขียวกลมเป็นลำยาว

นกเช้าเสียงใส

สะกิดสะเกา

แสงเช้าส่องใส

เปิดม่านกางกั้ง

เป็นคือใบตองกล้วย

เป็นคือใบตอง

คือใบ

เป็น

| ทางหอม 

ส. 29 พ.ค. 2564

[บันทึกท้ายคำแต้ม]

นั่งมองตองกล้วยข้างบ้าน ขณะลงงานครัวเช้านี้

ให้รู้สึกถึงความจริงบางอย่าง  ที่ตองกล้วยเป็นอยู่

การถ่ายทอดด้วยวิธีคำแต้ม มันโล่งนะ มันสบายๆ

หาคำให้ได้ความ  เพ่งใจให้เห็นความคิด

แล้ว ค่อยๆ วางขบวน

ขอบคุณที่แวะมาเยี่ยมยามกันเดอ.

น้อยนับล้าน

ข้าวเมล็ดหนึ่ง

รวมกับเพื่อน เต็มรวง

รวงกับเพื่อนๆ เต็มนาทุ่ง

ข้าฯ นึกถึงวันเก่า

รวมกับวันนี้ เต็มคิด

รวมกับวันนั้นๆ เต็มตื่นใจ

ฝนหยาดชายคาหญ้า

รวมกับเพื่อน นองพื้นหญ้าโนนเถียง

รวมกับหยาดใหม่ๆ ไหลลงฮ่องนาทุ่ง

ข้าฯ นึกถึงวันเก่าๆ

รวมกับวันนี้ เต็มตื้น

รวมกับเพลงลำเก่าๆ เติมน้ำตาเต็มเบ้าฯ

ทางหอม | น้อยนับล้าน

พฤ. 26 พ.ค. 2564

[บ่าวทิมีผะหยา]

•นับล้านล้าน  หลากสิ่งสำคัญ

คือเม็ดดิน      หลากหลายภายพื้น

คือเม็ดน้อย    ฝอยฝนเมฆแผ่

นับล้านล้าน   เหลือล้นนับบ่ทนฯ

สวนน้อยน้อย

นั่งในเถียง

เมฆหม่นงาม ฝนตก 

รินย้อยชายคาสังกะสี

มวลหมู่ผักนางอางหญ้า

ยิ้มรับฝน

ร่ายรำใบ กิ่ง ก้าน

หมู่กกไม้ผล

โยกพุ่มใบหวัง

บ้างผลิดอก บ้างอวดผล

ที่ใดไหนเล่า

ให้โลกตระการเท่า

ทางหอม | สวนน้อยน้อย

หอมดอกมันปา | ผะหยาโดย บ่าวทิ

•ฝนใหม่กายมากั้ว หอมในใจบ่าวทิ แท้เด

ซอมก่องงามกิ่งก้าน กางท่งก้วงข่วงสะออน 

คือดังพรแผ่นพื้น ฝากให้ฮำฮอนหา
เหลืองคือทองคำสุก มิ่งเมือง เฮืองแท้
เอิ้นมันปา ผกาไม้ หอมยามใด๋บ่เคยเบื่อ
ยามทุกข์ยากแห่งสะท้อน ให้หัวยิ้มตื่นโต

เป็นคือไม้ มันปาสิเข้าท่า เดนอ
เกิดแต่นาบ่อนแล้ง สู้ส่อยโตแก่กล้า
ขีดซาตาใหม่แม่ง เมือหน้าสิผ่องบาน
ตกถิ่นใด๋กะจื่อได้ เนื้อแก่นลายงาม
ทรงพุ่มใบดกหนา ให้ห่มเงาเซาซ่น
แม่นสิไกลนาฮั้ว สวนเฮากะตามซาง
บ้านจัดสรรกะบ่ย่าน มหาลัยกะซ่อยแต้ม แพงคือเค้าปู่ย่าเฮา
หมู่แคมทางกะบ่แพ้ ในที่สำนักงาน
ฮากหยั่งดิน มีฝน แดดลมผสมพร้อม
บ่ดนปีสิมีดอก เขยควมในให้คนซา
ว่านี่เดอดวงมันปา ยอดผลาดอกไม้ ให้คนได้จื่อจำ

ชีวิตหน่อย เกิดตายหนึ่งบ่เหิงนาน
หมายชาติคือมันปา สิส่ำใด๋ไขฮู้
บ่าวทิซอมมาเว่า พอเป็นเงาฮูปห่าง
ท่านผู้ฟังท่อนั่น สิเห็นแจ้งฮุ่งใจ ตนแหลว.

☆ไปฟังเสียงผะหยาได้ตามลิ้งค์ ครับ

https://youtu.be/WeJvNhz7_TI

ยางบักมี่

 •"ยางบ่มีค่า" ลองว่าควมทวย

"เลือดบ่มีราคา" คิดไขเขยฮู้

ขาวเหนียวข้น ยางพารากะบ่แมน

ไผตอบชี้ "ยางบักมี่" นวยดี นั่นเด.

✅ ชวนไปเรียน ภาษาลาวบ่าวทิ กัน ตามลิ้งค์เดอครับ

https://youtu.be/M91veZUAErg

คำเว่า • อักษรธรรมคำผะหยา

คำเว่า

โอนอ คำคำเว่า
ไทเฮาน้อยใหญ่

คึดอ่านเป็นเว่าได้

ฟังหัวยิ้มได้ฮักแพง

ไผเสียงดีอ่านจ้อยจ้อย

ฟังแล้วมวนสะออน.

บ่าวทิ | 13 เม.ย. 2564

✅ เชิญติดตามบ่าวทิ ได้ใน https://www.youtube.com/c/BaawThi?sub_confirmation=1

เบื้องหลัง ที่ทำให้วันคืนเก่าๆ ไม่ตาย

⊙บ่าวทิมาไขข้อหัวใจถามซามยังอุ่น   

ว่าเป็นหยัง วันคืนเก่าเก่าก่อนกี้ บํตายถิ่มลับสูญ

⊙คำตอบแนวหนึ่งนี่ ย่อนว่ามีคน    

คนมีมา ก่อนกาลเฮานี่

มีแม่พ่อแล้ว ยังมีปู่ย่า

ตายายพ้อม ลึงป้าคู่สู่คน

เฮ็ดให้ภายลุนส่าง แนวดีมีค่า

ไว่รำลึกฮอดท่าน และเมืองบ้านไว่ห่ำเพิง

ดีและฮ่าย โฮมอยู่นำกัน

ในกำแพงคอกคู ผาสาดเฮือนสูงซั่น

ในกะโบมนั่น  ทังกะบวย ต่า กะต่าย

ของอยู่กินเครื่องใซ่  เฮียนเฮ็ดส่างสืบสาน  กันนอ

⊙คำตอบบ่าวทินี่  ตามกำลังคึดอ่าน  ดอกเด

ขอวอนท่านผู่ฮู่  เอ็นดูถ่อนอย่าเคือง

⊙มื่อนี่ลาจากแล้ว ให่ทุกท่านมีสุข

โควิดไกลคลายทุกข์  เฮ็ดหยังกะดีล้น

ผ้อกันใหม่คลิปหน่า  สิหวนมาตอบท่าน

กับคำถามคึดไว่  มาชวนใฟ่คึดสะออน ท่านเอย  ท่านเอ้ย.

บ่าวทิ | 8.03.2564

🌜ติดตามฟังบ่าวทิจ่ายผญานี้ที่

เบื้องหลัง ที่ทำให้วันคืนเก่าๆ ไม่ตาย

รักการอ่านบ้านเกิด

รักการอ่านบ้านเกิด กี่ล้านใจ กี่ล้านวิว

(กลอนอ่านอักษรธรรม)

ฮักเหลือล้น หลากลืนคำลือ
เวียกการงาน ไฮ่นาสวนฮั่ว
แพงเอาไว่ ในใจคึดอ่าน
คือบ่อนบ้าน บุญกั้งเกิดกาย

แม่พ่อตุ้ม น้องพี่ซุมแซง
โฮมเฮือนฮัก ต่ำสูงลุงป้า
หอมใจสู้ สายใยสาวบ่าว
เฒ่าแก่ต้อม บุญต้นตื่มเติม

(กลอนทวนอักษรไทย)

รักบ้านเกิด เปิดประตู รู้คิดอ่าน
รักเมืองบ้าน รักญาติมิตร สนิทสนม
รักพื้นฐาน งานหลอมก่อ หล่อเกลียวกลม
รักบุญสม บ่มใจส่อง บ้านของเราฯ

"บ่าวทิ"

🌜ติดตาม บ่าวทิ เพิ่มเติม  https://www.youtube.com/c/BaawThi?sub_confirmation=1

หนี้ ในคำผญาเป็นยังไงบ้างน้อ

ใครเป็นหนี้เหมือนผมบ้าง

ใครเป็นแล้วดี

ใครเป็นเแล้วร้าย

ช่วงโควิดหนี้เพิ่มหรือลด

ช่วงต่อไป ทำไงดี

เห็นนามบัตรหว่านอยู่หน้าบ้าน

โอ เจ้าหนี้กำลังโฆษณา

โอ ลูกหนี้กำลังจะเพิ่มจำนวน?

ลองอ่าน ผญา ของ บ่าวทิ

เพื่อเป็นกำลังใจกันครับ

บัตรเอยบัตรผู้เงินงอกออกตื่มเป็นโกดัง

ให้ความหวังคนจนผู้อยากมีมาใช้

เจ้าดอกหลายเป็นตาย่าน หาได้คืนไวไคแน

เจ้าที่เอาดอกหน่อย มาดีแท้ส่อยเบิ่งกัน ท่านเอย.

ลองอ่านออกเสียเบิ่งเดอครับ

คือสิพอได้ยิ้มหัว

สู้ต่อไปครับ

เป็นกำลังใจกัน

เชิญไป กดติดตาม ช่อง BaawThi ใน YouTube

ไปฟังเสียงผญา หนี้...

https://youtu.be/rcrBPgO_kl4