คึดเห็นท่งเคยเทียว
ดอกหว้าต้องแสงอรุณ
ดอกส้มมั่งต้องแดดพอพุมผู่
หอมตอเฟียงปนฝุ่นหญ้า
เม็ดน้ำค้างพวมละลาย
เห็นเป็นฮอยน้ำเปียกใบ กก กอ
หยดชุ่มดิน
ควายมุดเละเล็มเขียวแซบ
ใต้ซุ้มตอเฟียงก่วยระกะ
นกนารำพันบทโศลก
วันคืนตื่นใหม่
ยังหายใจอยู่นี่
คึดฮอดใผ
คือคึดฮอดท่ง
ให้คึดนำ
...
เช้าหนาวเดือนสาม
สามมื้อแล้วนะ
ไม่มีความคิดเห็น:
แสดงความคิดเห็น