บทความ

ความหลัง #คำแต้ม #ทางหอม

รูปภาพ
ไผหวนฮู้แนบ่ ความหลังเดือนสี่ปีสองตองสี่ แนมนำฝนรินย้อย      ชายคากระเบื้องใหม่ คึดเห็นเด                   หนาวสะบั้นเสี่ยงลี้ หนีภัยคนบิ่นบ้า          นำไล่ฆ่า บ่เห็นค่าว่าคน ฝนตกเดือนปักดำข้าวกล้า คือน้ำตาอาภัพ ของความฝันอันเปียกชุ่ม ปากยังไจ้จ่มแจ้วแจ่งภาวนา ตายเป็นผีบ่มีหัว ในขุมกองก่าย ในดงใบยางหนา ในนาซุมกกตาลซ่ายหล่าย ความหลังยังมีลมหันใจ ในสายฝนเดือนแปดหนาวสะบั้น สั่นสะท้านปานต้นเดือนสี่ที่ท่งสังหารปีนั่น บ่หม่องใด๋กะหม่องหนึ่ง เป็นแน.

คืนฝนริน

รูปภาพ
เพลง คืนฝนริน ซอมทาง โพนผักแนว : คำร้อง/ทำนอง [20.7.2564] เพลงฝนรินชายคาหนาวจัง ฟังซวดซาวข่าวน้ำใจใคร รินหลั่งพื้นปูนเห็นเข็นใจ ชื่นเย็นฉ่ำไย ไหลลาล่วงเลือนลับเลย เคยฝนเทียวทางนาแสนงาม วามเขียวใบไหวชมลมเชย ดวงตะเว็นทอแสงคุ้นเคย แจ้วแจ่มเจ้าเอ๋ย  ผญานกนาชวนฟัง เพื่อนเรือนลำเนา ยังเฝ้าคอยใครคืนหวน ผ่านงานสัญจรย้อนทวน เติมรักเพิ่มแรงพลัง แต่ใจน้อยหนึ่ง ร้างเรือนหวงห่วงรวงรัง ฝนรินชายคาแว่วฟัง  เหมือนดังเพลงเหงาเศร้าหงอย คืนฝนรินชายคาหนาวครวญ ทวนเพลงฝนปนน้ำตาปรอย รินหลั่งล้างใจล้าหลงคอย ฝากลมล่องลอย ฮอดเฮือนเรือนใจใฝ่หา. (ซ้ำทั้งหมด) 🌜ไปฟังเสียงฮ้องในดอกโดย บ่าวทิ ยางชุมน้อย ตามลิ้งค์ข้างล่าง ได้เล้ย! 🌝 คืนฝนริน เพลงในดอกโดย บ่าวทิ ยางชุมน้อย

อายสา ไปถ่อน

รูปภาพ
⊙เฮ็ดทานนำเพิ่นน้อย ยังฮู่ฮ่อมอายคน นาบ่มีกอเขียว ยังฟ่าวหาปุ๋ยเท่ง เวรกรรมหลายเดน้อ งานซุมแซง บ่ได้ซอย มีเทื่อหน้า สิไปถ่าก่อนไผ ⊙นี่หยัง มือตีนเป็นล้านล้าน ปานเทวาปั้นแต่ง ปวงประชาสิมอดม้วย ...ปานหุ่นไม้ด่าบ่ตีง ⊙ไลลืมซาด ลืมซายบ่ปนแห่ ไลลืมกระดูกต้อม ยามเซ่าอยู่เมรุ ซางเป็น ⊙ไปสาถ่อน  ซามยังเห็นเป็นคนอยู่ บัดห่าเฟือยบ่กาง ยามเฟียงฮองเป็นเถ้าพุ่น หันหาซากบ่ไส่การ หันหาได้ผ้อแต่ผี ท่อนั่นแหลว. |ทางหอม •จ.19.07.2564/2021

อุกเด

รูปภาพ
อุกนำคันคากเว่าใหญ่ อุกนำเคียขอฮอเว่าหวาน อุกนำโพสต์เม้นต์ผู้เลิศหล้า อุกนำบักหญ้าว่าโตเป็นดอกไม้หอม อุกนำแสงสะท้อนแว่นรถยนต์ อุกนำหนี้ออกลูกหลานแซวคับทีป อุกนำขื่อคาเฮียนผุทลายม้าง นกน้อยเงี่ยงหูฟัง ลมต้องใบกล้วยใบอ้อย ดอกผักไส่ยิ้มให้ยอดผักหวาน ดอกบวบโสเหล่กับแมงภู่เผิ่ง ปล่อยโลกในเฮียน ปล่อยชานไว่กับแอ่งน้ำ ปล่อยป่องเอี้ยมไว่กับฝา ปล่อยไพหญ้าไว่กับคันไม้จ้อง อุกเด ปานใดสิปล่อยได้คือว่าน้อ •ทางหอม ศ.16.07.2564/2021

คู่เช้า

รูปภาพ
เช้าหมาดฝนกรายไปพบ ห้องเช่าซึมเซาแคมห้วย ควายน้อยเล็มหญ้าริมทาง สวนกล้วยใบเขียวแคมนา นาข้าวเขียวทั่ว กำลังดำก็มี ข่อยตายลง กลางทุ่งท่า เป็นนกเอี้ยงตัวนั้น งอยหลังควายน้อย ผิดแต่รังซ่นบ่มี ผิดแต่เสียงลำแหบแห้ง. •ทางหอม |พฤ.15.07.2564/2021|

เมื่อยม้อย

รูปภาพ
⊙เมื่อยม้อย |ทางหอม | เมื่อยนำลมนำแล้ง เมื่อยนำฟ้านำฝน เมื่อยนำไม้บ่มีใบป่ง เมื่ยนำถงบ่มีเงิน เมื่อยนำคนเป็นหุ่น เมื่อยนำทางมีแต่โสก เมื่อยนำโจกบ่มีน้ำ เมื่อยนำคำบ่มีแก่น เมื่อยนำแค้นจุกอั่งคาคอ ในวันคืนเงี่ยงค้อย แสงเศร้าเก่าคลี่ม่านฝน บังคีไฟฮ่างเถียงนาน้อย ||| 

กระจกคำ

รูปภาพ
เคยคิดไหมว่า คำ เป็นกระจกใสสุด ที่พูดเช่นนี้ ด้วยว่า มีชายหนุ่มใหญ่อายุราวสี่สิบปลายๆ มักไปยืนมองป้ายโฆษณาอยู่นานสองนาน ครั้งล่าสุด เขาไปยืนมองป้ายโฆษณาหาคู่ของสาววัยสี่สิบกลางๆ นางหนึ่ง ที่ปิดประกาศด้วยผ้าไวนิลผืนใหญ่ ข้อความที่ขึ้นอยู่ตรงกลางเยื้องไปทางขวา จากใต้ราวนมรูปถ่ายของนางที่เสนอหน้ายิ้มละไม ก่อนเขาผละเดินจากไป เขาโค้งให้ป้ายอย่างคนกำลังทำความเคารพสิ่งศักดิ์สิทธิ์สูงค่าสักอย่าง หลายวันต่อมา เขาก็มาทำอย่างเก่าอีก คือยืนมองป้ายอยู่นานสองนาน โค้งคำนับแล้วเดินจากไป คนที่บังเอิญมาพบเห็นก็ไม่เข้าใจว่า เขาทำอย่างนั้นทำไม วันต่อมา ขณะที่เขากำลังทำความเคารพป้ายเสร็จพอดี หญิงสาวใหญ่คนงามก็ปรี่เข้าไปหา "โทษนะคะ ฉันไม่รู้ว่า คุณทำแบบนี้ทำไม" "โทษทีครับ ผมรุ้สึกขอบคุณคำ ๆ หนึ่งในป้าย เอ๊ะ! คุณนี่เอง" เขามองป้าย แล้วหันมาสบตานาง "คุณคือเจ้าของป้ายสินะครับ ยินดีด้วยนะครับ ป่านนี้คุณคงได้เจ้าบ่าวแล้ว" "ยังเลยค่ะ" เธอพูดเสียงเบาแล้วก้มหน้ามองเท้า "คงไม่มีหวังแล้วล่ะค่ะ" "อ้าวยังสาว สวย และรวยด้วย ผมนึกว่า..." เขาหยุดพูด เหมือนรู้ว่า